Siniflərin bu və ya digər qəhrəmanın adı ilə adlandırılması təcrübəsi tətbiq olunur
“Müasir dövrdə ümumtəhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında” Təhsil Nazirliyinin 2019-cu il üçün Fəaliyyət Planının 3.1.9-cu bəndinə uyğun olaraq Ümumtəhsil məktəblərində nümunəvi siniflərin bu və ya digər qəhrəmanın adı ilə adlandırılması təcrübəsinin tətbiqi məqsədilə məktəbin 4"A" sinfi 2016-cı ildə Aprel döyüşləri zamanı ermənilər tərəfindən vurulan Mi-24 helikopterinin üzvü, "Azərbaycan Bayrağı" ordenli Təbriz Musazadənin şərəfinə "Təbriz" sinfi, 4"C" sinfi Azərbaycanın Milli Qəhrəmanı Mübariz İbrahimovun şərəfinə "Mübariz" sinfi, 4"Ə" sinfi isə Hərbi Hava Qüvvələrinin mayoru, 2016-cı ildə Aprel döyüşləri zamanı ermənilər tərəfindən vurulan Mi-24 helikopterinin üzvü, "Azərbaycan Bayrağı" ordenli Urfan Vəlizadənin şərəfinə "Urfan" sinfi adlandırılmışdır. Aprelin 5-də həmin siniflərə bununla bağlı Diplomlar təqdim olundu.
