Metodbirləşmə iclasları keçirilir
BŞTİ tərəfindən keçirilən “Məktəb seminarları” layihəsi çərçivəsində müzakirə olunan məsələlərin pedaqoji kollektivə çatdırılması və ümumi təhsil sahəsində müasir dövrün çağırışlarına əsaslanmaqla inkişafı şərtləndirən keyfiyyət dəyişikliklərinə nail olmaq, təhsildə keyfiyyətin daha dayanıqlı olmasını təmin etmək, bu prosesdə məktəbin pedaqoji kollektivinin imkanlarını səfərbər etmək məqsədilə həftə ərzində fənn metodbirləşmələrinin iclasları keçirilmişdir. Ayrı-ayrılıqda təşkil olunan metodbirləşmə iclaslarında məktəb mühiti, təlim keyfiyyətinin artırılması istiqamətində səmərəli yanaşmalar, təmayülləşmə, məktəbdaxili qiymətləndirmə, valideynlərlə işin qurulması, məktəbdənkənar fəaliyyətin düzgün planlaşdırılması və digər müvafiq mövzularda müzakirələr aparılmışdır.
