Uşaq Hüquqları Konvensiyası mövzusunda sinif təşkilat saatı keçirilir
"Uşaq hüquqları aylığı" çərçivəsində bu həftə məktəbdə sinif təşkilat saatları keçirilməkdədir. Bu gün 4''A'' və 4''D" siniflərində sinif rəhbərləri Aybəniz Heydərova Və Afət Mustafayevanın təqdimatında Uşaq Hüquqları Konvensiyası haqqında şagirdlərə geniş məlumart verildi. Şagirdlərin bu barədə fikir və düşüncələri dinlənildi. Dərslərdə məktəbin tərbiyə işləri üzrə direktor müavini və psixoloqu da iştirak etmişdilər.
Uşaq Hüquqları Konvensiyası – BMT tərəfindən qəbul edilmiş bir saziş olaraq, dünyanın hər bir yerində yaşayan uşaqlara konvensiya ilə müəyyən edilmiş hüquqları təmin edir. Konvensiya uşaqların yaşaması və inkişafı üçün zəruri olan minimum standartları müəyyən edir. Konvensiyanın ratifikasiya etmiş bütün dövlətlər bu öhdəlikləri yerinə yetirməlidirlər. Onlar daimi xüsusi təşkil edilmiş Uşaq Hüquqları Komitəsinə hesabat və həyata keçirdikləri bütün işlər haqda məlumat verirlər. Bu Konvensiya uşaqların hüquqlarını təmin edən birinci universal kodeksdir. O, uşaq hüquqlarına dair bütün məsələləri bir sənəddə cəmləşdirib.
