Məktəbdə bədii qiraət müsabiqəsinin növbəti mərhələsi keçirildi
"Bir insanın dəyəri onun oxuduğu kitablarla ölçülür"
Herbert Spenser
Ümumtəhsil məktəb şagirdlərinin mütaliə vərdişlərinin təkmilləşdirilməsi və onlarda mütaliə mədəniyyətinin formalaşdırılması ilə bağlı tədbirlər barədə Azərbaycan Respublikası Təhsil Nazirinin 16 dekabr 2014-cü il tarixli 1279 nömrəli əmrinə və məktəbin İllik Fəaliyyət Planıın 1.3.9-cu bəndinə müvafiq olaraq yanvarın 25-də 76 nömrəli tam orta məktəbində şagirdlərin mütaliə vərdişlərinin təkmilləşdirilməsi və onlarda mütaliə mədəniyyətinin formalaşdırılması məqsədilə şeir müsabiqəsi keçirildi. Müsabiqə hər ay olmaqla və məktəbin hər iki bölməsini əhatə etməklə beş mərhələdən ibarət olacaqdır. Hər mərhələnin sonunda az bal yığan şagirdlər müsabiqəni tərk edir. Müsabiqənin bu mərhələsi əziz ruhları daim qəlbimizdə yaşayan şəhidlərimizə həsr olunmuşdu. Sonda müsabiqəni bu mərhələdə tərk edən şagirdlərə fəal iştirakına görə TƏŞƏKKÜRNAMƏLƏR verildi.
“ Əsrlərdən bəri yaranıb inkişaf edərək bəşəriyyətin söz sənəti xəzinəsinə incilər bəxş etmiş Azərbaycan ədəbiyyatının, eləcə də dünya ədəbiyyatının humanizm ruhlu seçmə nümunələri onları mütaliə edən hər bir şəxs üçün əsl həyat məktəbidir.
