20 Yanvar faciəsinin iyirmi səkkizinci ildönümünə həsr olunmuş dəyirmi masa keçirildi
20 Yanvar faciəsinin iyirmi səkkizinci ildönümünə həsr olunmuş silsilə tədbirlərimiz davam edir. Məktəbin illik Fəaliyyət planının 1.3.16-cı bəndinə uyğun olaraq şagirdlərdə xalqımıza qarşı törədilmiş faciələr haqqında bilgilərin artırılması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq salnaməsinin təbliği məqsədi ilə "20 Yanvar-Ümumxalq hüzn günü" ilə bağlı yanvarın 19-da ilk dərslər 20 Yanvar faciəsinə həsr olundu. Daha sonra məktəbin tarix müəllimi Şirmai Səfərovanın təşkilatçılığı ilə "20 Yanvar faciəsinin iyirmi səkkizinci ildönümü"nə həsr olunmuş yuxarı sinif şagirdlərinin iştirakı ilə dəyirmi masa keçirildi.
