Heydər Əliyev Mərkəzinə ekskursiya
Ümummilli lider Heydər Əliyevin anım günü ilə əlaqədar Bakı Şəhər Gənclər və İdman Baş İdarəsinin təşkilatçılığı ilə 74 nömrəli tam orta məktəbin şagird və müəllimlərinin bir qrupu Heydər Əliyev Mərkəzinə ekskursiya edib. Məktəblilərin iştirak etdikləri ekskursiya ulu öndər Heydər Əliyevin irsinin öyrənilməsi, yeni nəslin milli-mənəvi dəyərlər və ənənələrə bağlı ruhda böyüməsi, Azərbaycan və dünya tarixi, mədəni və elmi-texniki tərəqqi barədə biliklərinin artırılması məqsədi ilə təşkil olunub. Sərgidə iştirak edən 6 və 7-ci sinif şagirdləri Heydər Əliyev Mərkəzində nümayiş etdirilən “Azərbaycan inciləri” sərgisi ilə tanış olublar. Onlar sərgi vasitəsilə qədim tarixə, mədəniyyətə, ədəbiyyata, adət-ənənələrə sahib olan ölkəmiz haqqında maraqlı məlumatlar əldə ediblər. Ekspozisiyada nümayiş etdirilən qayaüstü rəsmlər, müxtəlif dövrlərə aid arxeoloji tapıntılar, etnoqrafik məmulatlar, numizmatik əsərlər, milli geyim və zərgərlik nümunələri məktəblilərdə xoş təəssürat oyadıb.
