Azərbaycan Hərbi Tarixi Muzeyə ekskursiya
74 nömrəli məktəbin 5E sinif şagirdləri 20 noyabr tarixində Azərbaycan Respublikası Müdafiə Nazirliyi nəzdində olan Azərbaycan Hərb Tarixi Muzeyinə baş çəkiblər.
Uşaqlar muzeyin həm daxilində, həm xaricində gəzərək qədim dövrlərdən günümüzədək hərb tariximizdə olan məşhur simalar, sərkərdələr, onların heykəllərini, geyimlərini, əşyalarını görüblər. Bu heykəllərin birinə gipsdən hazırlanmış Atropatın heykəlini misal çəkmək olar.
Uşaqlar həm qədim zamanlarda, həm də sonrakı dövrlərdə istifadə olunan döyüş ləvazimatları, hava, dəniz, quru qüvvələrinə aid zəngin hərbi texnika barəsində də sadəcə şifahi məlumat əldə etməklə kifayətlənməyib, həm də eksponatları görərək daha yaxın tanış olmuşlar.
