"İdman həftəsi" layihəsi davam edir
Təhsil Nazirliyi təhsilalanların sağlamlıqlarının möhkəmləndirilməsi, fiziki inkişafının təmin edilməsi, onlarda müsbət emosiyalarının dayanıqlı olması, idman və bədən tərbiyəsinin inkişafı, bu sahədə kütləviliyin təmin edilməsi istiqamətində davamlı və məqsədyönlü işlər aparır.
Buna müvafiq, şagirdlərin idmana olan marağının artırılması, sağlam həyat tərzinin təbliği məqsədilə “5 mart - Bədən Tərbiyəsi və İdman Günü” ərəfəsində 28 fevral – 4 mart 2022-ci il tarixində ümumtəhsil müəssisələrində idman həftəsinin keçirilir.
Layihə çərçivəsində 28.02.2022 tarixində 74 nömrəli məktəbin akt zalında şagirdlərə olimpiya oyunlarının yaranma tarixi haqqında ətraflı məlumat verildi.Daha sonra şagirdlərə Qarabağ Müharibəsi Veteranı dünya çempionumuz İlham Zəkiyev haqqında film təqdim edildi.
İdman Günləri ərəfəsində məktəblilərin iştirakı ilə gündəlik gimnastik hərəkətlər, maarifləndirmə, müsabiqələr, yarışlar, görüşlər, mükafatlandırma və digər tədbirlərin təşkili nəzərdə tutulur.
