"Dahi siyasətçi" adlı tədbir keçirildi
74 nömrəli tam orta məktəbdə ulu öndər Heydər Əliyevin anım günü ilə əlaqədar konfrans, “Dəyirmi masa”, mühazirə və seminarlar təşkil olunub. İbtidai sinif müəllimi Şəfa Rzayeva rəhbəri olduğu 1A sinifi ilə təşkil etdiyi "Dahi siyasətçi" adlı tədbirdə ümummilli lider Heydər Əliyevin əziz xatirəsi bir dəqiqəlik sükutla yad olundu. Tədbirlə məktəblilər ulu öndərə həsr olunan şeirlər söyləyib, mahnılar ifa edib, ədəbi-bədii kompozisiyalar nümayiş etdirib, Heydər Əliyevin müdrik kəlamlarından sitatlar səsləndirdilər. Dahi lider Heydər Əliyevin həyat və fəaliyyətinə dair videoçarxlar, filmlər nümayiş etdirildi.
