"20 Yanvar" faciəsinə həsr edilmiş anım dərsi
74 nömrəli tam orta məktəbin ibtidai sinif müəllimi İradə Məlikova rəhbəri olduğu 2 "ç" sinif şagirdləri ilə birlikdə "20 Yanvar" faciəsinə həsr olunmuş anım dərsi təşkil etdi. Müstəqilliyə gedən yolda böyük bir çıraq olan yanvar şəhidləri bu tədbirdə yad olundu. Şagirdlər o gecənin hüznünü ifadə edən musiqi sədaları altında vətənimizin qanlı-qadalı tarixinin əks olunduğu şeirlər səsləndirdilər. Bu şeirdə anılan şəhidlərimiz də hörmətlə yad edildi. İradə Məlikova Azərbaycan xalqının tarixinə qanlı hərflərlə yazılmış bu tarixin acı həqiqətlərindən bəhs edərək şagirdləri məlumatlandırdı.