Yol hərəkəti təhlükəsizliyinin təmin olunması məqsədilə maarifləndirici tədbir keçirildi
Səbail rayonu M.Rahim adına 7 nömrəli tam orta məktəbdə 6 dekabr 2018-ci il tarixində şagirdlərin yol hərəkəti qaydalarına daha mükəmməl yiyələnmələri və onlarda bu sahədə davranış mədəniyyətinin formalaşdırılması məqsədilə tədbir keçirildi.Tədbirdə hazırki dövrdə yol hərəkəti təhlükəsizliyinin təmin olunması məqsədilə uşaq və gənclərlə yol davranış qaydaları barədə maarifləndirici söhbətlər aparıldı.
Tədbirdə ıbtidai sinif şagirdləri əl işləri, maket, rəsmlər və kiçik səhnəçiklər nümayiş etdirdilər.Ərazi polis orqanlarının əməkdaşlarının iştirakı ilə keçirilən maarifləndirmə tədbiri uşaqların iştirakı ilə çəkilmiş filmin nümayişi ilə sona çatdı.
