“Müstəqilliyimiz əbədidir, dönməzdir və daimidir!” adlı təntənəli yığıncaq
Səbail rayonu 7 №-li tam orta məktəbdə Azərbaycan Xalq Cümhuriyyətinin 100 illik yubileyinə həsr olunmuş “ Müstəqilliyimiz əbədidir, dönməzdir və daimidir!” adlı təntənəli yığıncaq keçirilmişdir.
Tədbirin əvvəlində məktəblilərdən ibarət hərbi dəstələrin yürüşü keçirildi. Dövlət Sərhəd Xidmətinin polkovnikinin iştirakı ilə keçirilən parad müstəqilliyimizin rəmzi olan Azərbaycan dövlət bayrağının gətirilməsi ilə başladı. Xüsusi hazırlıq keçən məktəblilər vətənpərvərlik uğrunda sıravi vəzifələr yerinə yetirdilər. Orkestrin müşayiəti ilə təşkil olunan parad bir daha şagirdlərin vətənpərvərlik ruhunu əks etdirdi. Tədbirin ikinci hissəsi şagirdlərimizin hazırladıqları ədəbi-bədii kompozisiya ilə davam etdi. 7 №-li məktəbdə bayram təntənəsi yaşandı.
Tədbirdə BŞTİ-nin müdir müavini Hüseyn Əsgərov, Azərbaycan Təhsil İşçiləri Azad Həmkarlar İttifaqının Səbail rayon komitəsinin sədri Mükafat Abbasov, Səbail rayon İcra Hakimiyyətinin nümayəndələri, Dövlət Sərhəd Xidmətinin əməkdaşları, Hərbi Dəniz Qüvvələrinin əməkdaşları, müəllim heyəti və digər qonaqlar iştirak edirdilər.
