"GMO məhsullarından necə qorunaq" mövzusunda praktik konfrans
Mayın1-də M.Rahim adına 7 nömrəli tam orta məktəbdə Gənc Vətənpərvərlər İctimai Birliyi Azərbaycan Respublikası Prezidenti yanında QHT Dövlət Dəstəyi Şurasının maliyyə dəstəyi ilə "Genetik modifikasiya olunmuş orqanizmli (GMO) məhsullarla bağlı əhalinin maarifləndirilməsi üçün tədbirlərinin keçirilməsi" adlı layihə çərçivəsində "Orqanizmlərin geni necə dəyişdirilir, GMO məhsullarından necə qorunaq" mövzusunda praktik konfrans keçirildi. Tədbirdə Gənc Vətənpərvərlər İctimai Birliyinin layihə üzrə təşkilar komitəsinin üzvləri, Azərbaycan Respublikasının Prezidenti yanında QHT Dövlət Dəstəyi Şurasının məsləhətçisi Qalib Yaqubov, 7 nörəli tam orta məktəbin hərbi rəhbəri İslam Əzimov, pedaqoji kollektivi, AMKF təmsilçisi Vüqar Kərimov, GVB humanitar və mədəniyyət şöbəsinin müdiri Hidayət Cavadlı, AMEA-nın elmi işçisi Pərvanə Əzimova və digər qonaqlar iştirak edirdi.
