“Narkotik bəşəriyyətin bəlasıdır, zərərli vərdişlərə yox deyək” mövzusunda tədbir
22.01.2018- ci il tarixdə Səbail rayon Polis İdarəsinin və Səbail rayon İcra Hakimiyyətinin təşəbbüsü ilə Səbail rayon 7 № li tam orta məktəbdə “Narkotik bəşəriyyətin bəlasıdır, zərərli vərdişlərə yox deyək” mövzusunda tədbir keçirilmişdir .
Tədbirdə Səbail rayon polis idarəsinin rəisinin köməkçisi polis polkovnik – leytenantı Emil Cavadov , Səbail rayon polis idarəsinin YYÇPİTB-nin rəisi polis mayoru Ədalət Ağayev , Səbail rayon polis idarəsinin Veteranalar şurasının sədri M. Qədimov, YYÇPİTB-nin inspektorları Pərviz Cavadov , Pərviz Məmmədzadə , Narkotiklərlə Mübarizə Bölməsinin əməliyyat müvəkkili polis leytenantı Ayxan Məmmədov , Dispanserin həkim – narkoloqu Fizzə xanım, Səbail rayon İcra Hakimiyyətinin nümayəndəsi Əli Muradov, Orxan Aydınov iştirak edərək məktəbin 9, 10,11 sinif şagirdləri və müəllim kollektivi görüş keçirdilər. Tədbir zamanı mövzuya aid video çarx nümayiş etdirildi, şagirdlərin sualları cavablandırıldı.
