"20 Yanvar" faciəsi ilə əlaqədar vətənpərvərlik mövzusunda tədbir
19.01.2018-ci ildə M.Rahim adına 7 №li tam orta məktəbdə 20 Yanvar faciəsi ilə əlaqədar vətənpərvərlik mövzusunda tədbir keçirildi. Şagirdlər milli vətənpərvərlik ruhu ilə dolu şeirlər, səhnəciklər nümayış etdirdilər.
Hadisəni əks etdirən rəsm əsərləri, inşalardan ibarət sərgi nümayış etdirildi.Hərbi geyimdə olan birincilər əsgər marşları ifa edərək kiçik yaşlı dostlarının qarşısında müxtəlif kompozisiyalar əks etdirdilər.
Məktəbin yuxarı sinif şagirdləri və tarix müəllimləri hadisələri bir daha araşdırmaq üçün müxtəlif mənbələri və video görüntüləri əldə rəhbər tutaraq dəyirmi masa ətrafında müzakirə etdilər , şəhidlərin xatirəsini əbədi yaddaşlara həkk etmək üçün ədəbi-bədii kompozisiya nümayış etdirdilər. İştirakçılar tədbirdən sonra Şəhidlər xiyabanına ziyarətə getdilər.
Məktəbin bütün ibtidai sinif şagirdləri məktəbin 20 Yanvar şəhidi Azad Mirzəyevin barelyefinin qarşısında qərənfil dəstələri düzərək şeirlərifa etdilər, ürək sözlərini söylədilər.
