«20 Yanvar xalqımızın qəhrəmanlıq səlnaməsidir» adlı silsilə tədbirlər
Bakı şəhərinin təhsil müəssisələrində 20 yanvar faciəsinin 28-ci ildönümünün qeyd edilməsi ilə bağlı Səbail rayonu 7 №li tam orta məktəbdə « 20 Yanvar xalqımızın qəhrəmanlıq səlnaməsidir» adlı silsilə tədbirlər hazırlanmışdır.Məktəbin 7"A" sinif şagirdləri 18.01.2018-ci il tarixdə “ Heç kim unudulmur, heç nə yaddan çıxmır” başlığı altında layihə dərs təqdim etdilər. Şagirdlər “ 20 Yanvar” hadisələri və həmin dövrdə ictimai- siyasi vəziyyət, xalqın birliyi, azadlıq ideyaları ilə bağlı araşdırmalar aparmış, eyni zamanda şəhidlərin həyat yolu haqqında məlumatlar toplayaraq maraqlı ədəbi-bədii kompozisiya təqdim etmişlər. Dərs bitdikdən sonra onlar məktəbimizin 20 Yanvar şəhidi Azad Mirzəyevin barelyefi qarşısında qərənfillər düzərək şəhidlərə həsr etdikləri şeirləri söylədilər.
