«Heydər Əliyev və Azərbaycan tarixi» adlı kitabin təqdimatı
Artıq ikinci ildir ki, Səbail Rayon İcra Hakimiyyətinin təşkilatçılığı ilə rayonun bütün orta ümumtəhsil məktəblərində Ümummilli lider Heydər Əliyevin əziz xatirəsinə həsr olunmuş «Heydər Əliyev və Azərbaycan tarixi» mövzusunda elmi-praktiki konfranslar keçirilir. Bu konfranslarda şagirdlər Azərbaycan tarixinin müxtəlif dövrləri, o cümlədən Ulu ondən Heydər Əliyev və Azərbaycan Respublikasının Prezidenti cənab İlham Əliyevin Azərbaycan tarixindəki rolu barədə öz elmi məqələləri ilə çıxışlar edirlər. Məktəblərdəki konfranslar bitdikdən sonra bu işlərin ən yaxşıları seçilərək kitab şəklində çap olunması qərara alınmışdı. Ötən il ilk dəfə olaraq «Heydər Əliyev və Azərbaycan tarixi» adlı kitab ictimaiyyətə təqdim olunmuşdu. Bu il də məktəblərdə keçirilən tarix konfranslarının yekunu olaraq «Heydər Əliyev və Azərbaycan tarixi» adlı kitabin artıq ikinci cildi işıq üzü görmüşdür. Sevindirici haldır ki, məktəbimizin şagirdləri Emil Rüstəmli və Simran Mirzəyevin məqalələri də bu kitabda yer almışdır.
Təbrik edirik!
