20 Yanvar faciəsinin 27-ci ildönümünə həsr olunmuş dərslər
M.Rahim adına 7 nömrəli tam orta məktəbdə yanvarın 18-də birinci dərslər 20 Yanvar faciəsinin 27-cı ildönümünə həsr olundu. Xalqımızın qan yaddaşına yazılmış bu faciə şagirdlərin hazırladıqları təqdimatlarda öz əksini tapdı. Təqdimatdan sonra müzakirə aparıldı və qeyd edildi ki, həmin faciəli günlərdə öz ölkəsinin, xalqının azadlığını, şərəf və ləyaqətini hər şeydən uca tutan mərd Vətən övladları canlarından keçərək şəhidlik zirvəsinə ucaldılar.
