Azərbaycan Xalq Cümhuriyyətinin 100 illiyi
May ayının 24-də Azərbaycan Xalq Cümhuriyyətinin 100 illiyi münasibətilə S.Həsənov adına 63 nömrəli məktəbdə tədbir keçirilib.Tədbirdə giriş sözü ilə çıxış edən məktəbin direktoru C.Tarverdiyev ,28 may tarixinin Azərbaycan xalqının dövlətçilik salnaməsinə qızıl hərflərlə yazıldığını bildirib. 1918-ci ilin 28 may tarixində əsası qoyulan Azərbaycan Xalq Cümhuriyyətinin xalqımızın dövlətçilik ənənələrində şanlı bir səhifə olmaqla yanaşı, onun demokratik ənənələrə sadiqliyinin, azadlıq ruhunun, insanların və millətlərin haqq və hüquqlarına hörmət və ehtiramının təntənəsi olduğunu vurğulayan Cavanşir Tarverdiyev Ümummilli Lider Heydər Əliyevin 3 rəngli bayrağımızı yenidən dalğalandıraraq Xalq Cümhuriyyətinin ənənələrinin yaşadılması istiqamətində mühüm addım atdığını diqqətə çatdırıb.Daha sonra şagirdlər şeir və mahnılarla çıxış etdilər.
