63 №-li tam orta məktəb

Əbəs yerə ailəni kiçik dövlətə bənzətməyiblər. Onun da öz qanunları, adəti, ənənəsi,yaşam tərzi , mühiti var. Dünyada mövcud olan bu təbbi birliklərin içərisində Azərbaycan ailəsinin özünəməxsusluğu yüksək mənəvi dəyərlərə bağlılığı ilə seçilir. Azərbaycan mentallığı üçün ailə xüsusi məna kəsb edir. Cəmiyyətin həyatında ailənin, xüsusəndə ananın rolu mühüm əhəmiyyətə malikdir.Aliliyin ucalığında dayanan qadınlıq zirvədirsə, analıq onun tacıdır, şərəfi, ləyaqətidir. 63 nömrəli tam orta məktəbin psixoloqları 10C sinif şagirdləri ilə "Azərbaycan ailəsi və milli dəyərlər" mövzusunda seminar təşkil etdilər. daha sonra şagirdləri maraqlandıran suallar cavablandırıldı.

May ayı ərzində psixoloqların valideynlərlə görüşləri keçirildi.Valideynlərə şagirdlər haqqında psixoloji məsləhətlər verildi,onların bir sıra suallarına cavab verildi.

Müasir, müstəqil Azərbaycan dövlətinin memarı və qurucusu,dünya şöhrətli ,siyasi xadim ,dahi tarixi şəxsiyyət,xalqımızın ümummili lideri H.Eliyevin 102-ci anım gününə həsr olunmuş tədbir 5 b sinif şagirdlərinin iştirakı ilə təşkil olunmuşdur.Tədbirdə məktəb rəhbərliyi ,müəllim kollektivi və valideyinlər iştirak etmişdir.

VII-IX sinif şagirdləri arasında sağlam həyat tərzi və reproduktiv sağlamlıq , eləcə də erkən və qohumlararası nikahların qarşısının alınması üzrə maarifləndirmə işləri davam edir. Məktəb psixoloqları şagirdləri qohumlar arasında nikahın mənfi nəticələri haqqında məlumatlandırmaq məqsədilə " Qohumlararası nikahların fəsadları" mövzusunda maarifləndirici söhbət aparıb. İlk növbədə şagirdlərə nikahın əhəmiyyəti, onun qorunması haqqında məlumat verilib. Qeyd olunub ki, qohum nikahları genetik xəstəlikləri artiran önəmli faktordur. Ən çox rast gəlinən qan xəstəlikləri,göz,qulaq,əzələ -sinir və başqa qan xəstəlikləri daha çox yayılıb. Daha sonra şagirdləri maraqlandıran suallar cavablandırılıb.

2025-2026-cı dərs ilində ümumi təhsil müəssisələrinin birinci siniflərinə elektron qeydiyyat prosesində valideynlərə kömək məqsədilə Bakı Şəhəri üzrə Təhsil İdarəsinin tabeliyindəki məktəblərdə 30 alternativ qeydiyyat mərkəzi fəaliyyətə başlayıb. Eyni zamanda birinci siniflərə qeydiyyat prosesi ilə bağlı vətəndaşlar 5, 6 və 7 saylı “ASAN xidmət” mərkəzlərinin təhsil xidmətləri bölmələrinə müraciət edə bilərlər.

www.mektebeqebul.edu.az sistemi vasitəsilə özü elektron qeydiyyatdan keçə bilməyən və ya internet resurslarına çıxış imkanı olmayan vətəndaşlara aidiyyəti ərazi üzrə fəaliyyət göstərən ən yaxın alternativ qeydiyyat mərkəzinə müraciət etmək tövsiyə olunur.

Təhsil müəssisələrindəki alternativ qeydiyyat mərkəzləri Binəqədi rayonu üzrə 83, 217, 297, Nəsimi rayonu üzrə 19, Nizami rayonu üzrə 145, 10, Nərimanov rayonu üzrə 45, Suraxanı rayonu üzrə 279, 280, 114, Qaradağ rayonu üzrə 321, 273, 288, 110, 320, 180, Sabunçu rayonu üzrə 74, 130, 108, 170, Səbail rayonu üzrə 163, Yasamal rayonu üzrə 18, 336, Xəzər rayonu üzrə 88, 156, 234, Xətai rayonu üzrə 257, 165, 261, Pirallahı rayonu üzrə isə 168 nömrəli tam orta məktəbdə fəaliyyət göstərir.

Vətəndaşlar  alternativ qeydiyyat mərkəzlərinə həftənin I-V günləri saat 10:00-dan 17:00-a qədər müraciət edə bilərlər. Valideyn alternativ qeydiyyat mərkəzinə müraciət edərkən övladını özü ilə aparmasına ehtiyac yoxdur.

Həmçinin valideynlər (və ya qanuni nümayəndələr) digər bütün hallarla bağlı şəxsi kabinetlərindəki “Əlaqə” bölməsi və “WhatsApp” vasitəsilə (070-996-76-63, 070-996-36-62, 070-996-46-68) də müraciət ünvanlaya bilərlər.

Qeyd edək ki, 2025-2026-cı tədris ili üzrə ümumi təhsil müəssisələrinin birinci siniflərinə elektron qeydiyyat prosesi sentyabrın 12-nə qədər davam edəcək.  

Alternativ qeydiyyat mərkəzləri