1 b sinfində “Ədədlər bayramı”
15 dekabr 2017-ci il tarixində 1b sinif şagirdlərinin iştirakı ilə “Ədədlər bayramı” adlı tədbir keçirildi.Tədbir dövlət himni ilə başladı.Tədbiri giriş sözü ilə məktəbin direktoru Cavanşir müəllim açaraq bütün tədbir iştirakçılarını salamladı və birinciləri bu bayram münasibəti ilə təbrik edərək onlara gələcək dərslərində daha dərin biliklər əldə etməyi arzuladı.Sonra isə söz balaca fidanlarımıza verildi.Onu da qeyd edək ki,bu uşaqlarımızın ilk tədbiri idi.Buna baxmayaraq onlar səhnədə özlərini itirmədilər,çox böyük sevinc və həvəslə öz bacarıqlarını nümayiş etdirdilər.Uşaqlar ədədlər haqqında şeirlər,tapmacalar söylədilər,səhnəciklər göstərdilər, ədədlər haqqında mahnı ifa etdilər.Sonda tədbirin təşkilatçısı ,1 b sinfinin sinif rəhbəri Afət müəllim tədbir iştirakçılarını uşaqların hazırladıqları “Mənim ədədlərim” adlı sərgiyə baxmağa dəvət etdi.Uşaqların əl işləri hamıda xoş təəssürat yaratdı.
