Heydər Əliyevin Anım Gününə Həsr Olunmuş Tədbir
Heydər Əliyevin Anım Gününə Həsr Olunmuş Tədbir
12 dekabr 2024-cü il tarixində məktəbimizdə Ümummilli Lider Heydər Əliyevin əziz xatirəsinə həsr olunmuş anım tədbiri keçirildi.
Tədbir Dövlət Himninin səsləndirilməsi ilə başladı və daha sonra ümummilli liderin əziz xatirəsi bir dəqiqəlik sükutla yad edildi. Tədbir ulu öndərin həyat və fəaliyyətinə dair təsirli videoçarxın nümayişi ilə davam etdi. Videoçarxda Heydər Əliyevin siyasi uzaqgörənliyi, ölkəmizin beynəlxalq nüfuzunun artırılması istiqamətində gördüyü işlər və onun rəhbərliyi ilə həyata keçirilən strateji islahatlar haqqında geniş məlumat verildi.
Şagirdlərin ifasında səsləndirilən şeirlərdə Heydər Əliyevin xalqımızın ürəyində əbədi yaşayan lider obrazı, onun dövlətçilik məharəti və milli irsimizi qorumaq uğrundakı yorulmaz fəaliyyəti tərənnüm edildi.
Sonda məktəbimizin direktoru Yasəmən Əliyeva çıxış edərək Heydər Əliyevin dövlətçilik ideyalarının əhəmiyyətindən və onun ölkəmiz üçün göstərdiyi misilsiz xidmətlərdən danışdı. Direktor vurğuladı ki, Heydər Əliyev yalnız dövrünün lideri deyil, həm də gələcəyə işıq saçan böyük bir şəxsiyyətdir.
Heydər Əliyevin irsi yalnız bir tarix deyil, həm də bir gələcək yoludur. Onun ideyaları və əməlləri bizim üçün əbədi nümunə olaraq qalacaq. Azərbaycan xalqı var olduqca, onun adı və əməlləri də hər zaman yaşayacaqdır.
