1 №-li Pedaqoji Şura
Sentyabrın 13-də məktəbdə 2019-2020-ci tədris ilinin 1 №-li Pedaqoji Şura iclası keçirildi. İclasda məktəb direktoru Sevinc Budaqova 2019-2020-ci tədris ilinin fəaliyyət istiqamətlərini pedaqoji şura üzvlərinə çatdırdı. İclasda yay tədris tapşırıqlarının yerinə yetirilməsi və nəticələri haqqında, X siniflərin komplektləşməsi, məzunların ali məktəblərə qəbul göstəriciləri,yeni tədris ilində müəllimlərin dərs yükünün, dərs cədvəlinin təsdiqi, fənn metodbirləşmə rəhbərlərinin təsdiqi ilə bağlı məsələlər haqqında ətraflı məruzələr, çıxışlar oldu və müvafiq qərarlar qəbul olundu.
Sonda məktəb rəhbərliyi fənn müəllimlərini maraqlandıran sualları cavablandırdılar.
