"Aprel döyüşləri - böyük zəfərin başlanğıcı" mövzusunda dərs təşkil olundu
2016-cı il aprelin əvvəllərində Azərbaycanın ön xətt mövqeləri və yaşayış məntəqələri Ermənistan silahlı qüvvələri tərəfindən intensiv artilleriya atəşinə məruz qalanda ordumuzun bölmələri əks-həmlə ilə təxribatların qarşısını aldı. Bu, aprel döyüşləri kimi tarixləşdi.
Tariximizi unutmamaq və unutdurmamaq üçün pedoqoqlarımız var gücü ilə səy göstərir. 8 C sinfində tarix müəllimi Esmira Zaynutdinova və tərbiyə işləri üzrə direktor müavini Aidə Quliyeva "Aprel döyüşləri - böyük zəfərin başlanğıcı" mövzusunda dərs təşkil etdilər. Müəllimlər mövzunu ətraflı izah etdikdən sonra, şagirdlər də öz növbəsində hazırladıqları slaydları, təqdimatları nümayiş etdirdilər.
