“1 mart – Ümumdünya mülki müdafiə günü”dür
Azərbaycan Respublikası 1993-cü ildən Beynəlxalq Mülki Müdafiə Təşkilatına üzv seçildikdən sonra bu təşkilatla sıx əməkdaşlıq münasibətləri qurulmuşdur. Əməkdaşlığın əsasını mülki müdafiə və fövqəladə hallardan müdafiə sahəsində qurumlararası koordinasiyanın təşkili, fövqəladə halların qarşısının alınması, risklərin idarə edilməsi, irimiqyaslı fövqəladə hallar zamanı zərərçəkmiş əhalinin həyat təminatının təşkili, beynəlxalq humanitar yardımların idarə olunması və digər məsələlər təşkil edir.
“1 mart – Ümumdünya mülki müdafiə günü” ilə əlaqədar məktəbdə “Mülki müdafiə və təxliyyə çıxışı” mövzusunda tədbir keçirilib. Tədbir mülki müdafiə və fövqəladə hallardan mühafizə sahəsində şagirdlərin hazırlığı və maarifləndirilməsi, fövqəladə halların qarşısının alınması və nəticələrinin aradan qaldırılması, baş verə biləcək fövqəladə hallar zamanı düzgün davranış qaydaları barədə vərdişlərin aşılanması məqsədilə təşkil olunub.
Gənclərin çağırışaqədərki hazırlığı müəllimi Vaqif Abbasov çıxış edərək şagirdlərə Azərbaycanın relyefinə uyğun olan təbii fəlakətlər və məişət zəmnində baş verə biləcək fövqaladə hallar zamanı davranış qaydaları, ilk tibbi yardım qaydaları, özünü müdafiə qaydaları haqqında məlumatlar verdi. Əsas məqsədin şagirdlərin məlumatlandırılması olan tədbirdə havanın çirklənməsi zamanı, zəhərli maddələrin havaya buraxıldığı anda baş verən zəhərlənmə zamanı, müxtəlif radioaktiv maddələrin düzgün istifadə olunmadığı hallarda baş verə biləcək radioaktiv zəhərlənmə zamanı əlehqazlardan düzgün istifadə qaydası, ev şəraitində nəfəs yollarını qaruya bilmə qaydaları haqqında danışaraq şagirdləri malumatlandırdı. Tədbirdə 6 və 7-ci sinif şagirdləri, tərbiyə işləri üzrə direktor müavini, uşaq birliyi rəhbəri iştirak edirdi. Sonda şagirdlərə Fövqaladə Hallar Nazirliyi tərəfindən hazırlanan videorolik nümayiş olundu.
