Bayrağımız qürur yerimizdir
Bu gün məktəbin tarix müəllimi Lalə Abdullayeva 5 "Ç" sinfində qarşıdan gələn “9 Noyabr-Dövlət Bayrağı Günü” münasibəti ilə nümunəvi dərs təşkil etdi. Dərsdə şagirdlər Azərbaycan Respublikasının dövlət rəmzləri haqqında geniş məlumatlar verdilər. Müəllimə qədim Azərbaycan dövlətlərinin, xanlıqlarının bayraqları və müstəqil Azərbaycan Respublikasının bayrağının tarixi keçmişi haqqında maraqlı məlumatlar verdi. Şagirdlər hazırladıqları təqdimatlarla çıxış etdilər. Vətəni, dövləti tərənnüm edən şeirlər söylədilər, əl işlərini nümayiş etdirdilər. Dərsin sonunda şagirdlər maraqlı videoçarxa tamaşa etdilər.
