Məktəbəqədər hazırlıq qrupları fəaliyyətə başladı
01.10.2019-cu il tarixdə məktəbimizdə məktəbəqədər hazırlıq qruplarının fəaliyyətinə start verildi. Kiçik məktəblilərin qarşılanması dövlət himninin səslənməsi ilə başlandı.Sonra ümummilli lider H.Əliyevin və Milli qəhrəman R.Nəsrəddinovun büstü önünə çiçəklər qoyuldu. Valideynlər və şagirdlər akt zalına dəvət olundular. Məktəbin direktoru Tahirə xanım Şükürova çıxış edərək ilk dəfə məktəbə qədəm qoyan körpələri və valideynləri təbrik edərək məhz bizim məktəbi seçdiyi üçün onlara təşəkkürünü bildirdi.O, bu il məktəbə gələn balalarımızın daha şanslı olduğunu qeyd edərək dedi ki,onlar yenicə təmirdən çıxmış müasir avadanlıqlarla təmin olunmuş gözəl sinif otaqlarında təhsil alacaqlar. Tahirə xanım məktəbdaxili qaydalarla valideynləri tanış etdikdən sonra kiçik şagirdlər sinif otaqlarına getdilər. Körpə fidanların həyatında bu gün ilk dərs günü kimi unudulmaz günlərdən biri kimi yadda qalacaq.
