Nərimanov RPİ-nin əməkdaşları ilə görüş
Bu gün məktəbimizdə Nərimanov rayon Polis İdarəsinin nümayəndələrinin şagirdlərlə görüşü keçirildi. Tədbirdə Nərimanov RPİ-nin rəisi, polkovnik Vaqif Müslümov, Yetkinlik yaşına çatmayanların işi üzrə bölmənin rəisi polis polkovnik leytenantı Ruslan Hüseynov və Narkotiklərlə Mübarizə Bölməsinin rəisi polis polkovnik leytenantı Qasım Hüseynov iştirak edirdilər. Görüş maarifləndirici xarakter daşıyaraq, böyüməkdə olan gənc nəslin zərərli vərdişlərdən uzaqlaşdılmasına xidmət edirdi. Tədbiri məktəbin direktoru Tahirə Şükürova açaraq qonaqları təqdim edib salamladı. Sonra psixoloq Nəsibova Vüsalənin təşkilatçılığı və yuxarı sinif şagirdlərinin iştirakı ilə “Sən hədəf deyilsən!” adlı ədəbi-bədii kompozisiya təqdim edildi. Kompozisiyada valideynın sözündən kənara çıxaraq zərərli vərdişlərin aludəçisi olan gənclərin acı taleyi, acınacaqlı sonluğu nümayiş etdirildi. Sonda söz Nərimanov RPİ-nin rəisi, polkovnik Vaqif Müslümova verildi. O çıxışında şagirdlərin ifasını çox bəyəndiyini söylədi. Zərərli vərdişlərin insanların həm sağlamlığına, həm də mənəviyyatına ciddi zərbə vurduğunu dedi və şagirdlərin suallarını cavablandırdı.
