Uşaq hüquqları üzrə pilləli tədris proqramı keçirildi
Bildiyimiz kimi, Azərbaycan Respublikasının İnsan Hüquqları üzrə Müvəkkili Elmira Süleymanovanın təşəbbüsü və Təhsil Nazirliyi ilə əməkdaşlığı çərçivəsində artıq bir neçə ildir ki, orta ümumtəhsil məktəblərində ardıcıl olaraq Uşaq hüquqları üzrə pilləli tədris proqramı həyata keçirilir. Bu il ilk dəfə olaraq, bu gündən başlayaraq bizim məktəbdə də bu təlim proqramı həyata keçiriləcək. Ombudsman aparatının nümayəndələri bu gün ilk dərsdə şagirdlərlə tanış oldular. Onlar uşaqlarla “İnsan hüquqları nədir?” mövzusunda söhbət apardılar. Ümidvarıq ki, interaktiv şəkildə aparılan pilləli tədris prosesi şagirdlərin uşaq hüquqları sahəsində bilik səviyyəsinin inkişaf etdirilməsində öz töhfəsini verəcəkdir.