AMEA-nin Neft-Kimya Prosesləri İnstitutuna ekskursiya
11 fevral tarixində 8-ci sinif şagirdləri, məktəbin kimya müəllimi Hüseynli Yaqutla bir yerdə Azərbaycan Milli Elmlər Akademiyasının Akademik Y.H.Məmmədəliyev adına Neft-Kimya Prosesləri İnstitutunun və Rusiya İnformasiya və Mədəniyyət Mərkəzinin birgə təşkilatçılığı ilə D.İ.Mendeleyevin “Kimyəvi Elementlərin Dövri Qanunu”nun kəşfinin 150 illiyinə həsr olunan konfransda iştirak etdilər. Konfransı akademik Y.H.Məmmədəliyev adına Neft-Kimya Prosesləri İnstitutunun direktoru, Akademik Vaqif Abbasov açaraq görkəmli rus alimi D.İ.Mendeleyevin 50 il bundan öncə yaratdığı elementlərin dövrü cədvəlinin rolu barədə məruzə ilə çıxış edib. D.İ.Mendeleyevin Bakıdakı fəaliyyəti haqqında şagirdlərə maraqlı məlumatlar verdi. Tədbirdən sonra AMEA-nın Neft-Kimya Prosesləri İnstitutunun direktoru Vaqif Abbasov şəxsən şagirdləri Yusif Məmmədəliyevin memorial muzeyi ilə tanış etmiş, şagirdlərlə səmimi söhbət aparmışdır.