20 yanvar faciəsi tariximizin şərəf və qəhrəmanlıq səhifəsidir
20 Yanvar faciəsinin əsl mahiyyətini şagirdlərimizə daha dərindən izah etmək, bu tarixin unudulmaması və gələcək nəsillərə dərindən çatdırılması istiqamətində tədbirlərimiz davam edir. Bu gün 5”B” və 5”Ç” siniflərində sinif rəhbəri Cəfərova Dilarə və Orucəliyeva Esmiraldanın rəbərliyi altında bu mövzuya həsr olunmuş təşkilat saatı keçirildi. Şagirdlər faciənin tarixi, baş vermə səbəbləri, tarixi əhəmiyyəti haqqında məlumatlar verdilər. Bu mövzuya həsr olunmuş şeirlər və poemalardan parçalar söylədilər. Sonda şagirdlər and içdilər ki, xalqımızın azadlıq və istiqlaliyyəti uğrunda şəhid olan həmvətənlərimizin xatirəsini heç vaxt unutmayacaqlar!
