ADA universitetinə ekskursiya
Bu gün 10-cu sinif şagirdləri gələcəkdə peşə seçiminin düzgün istiqamətlənməsi məqsədi ilə ADA universitetinə ekskursiya dəvət olunmuşdular. Şagirdləri universitetin nümayəndəsi Elşad Göyüşov qarşıladı. Ekskursiya ilk olaraq universitetin korpusları ilə tanışlıqdan başladı. Hər bir korpusun quruluşu, strukturu, interyeri haqqında ətraflı məlumat verdi. Şagirdlər Cənubi Qafqazın ən böyük kitabxanası sayılan universitetin kitabxana korpusu ilə yaxından tanış oldular. Sinif otaqları, akt zalı, bufeti gəzdilər. Sonra təqdimat zalında E.Göyüşov bu universitetin yaranma tarixi, fakültələri, məzunları, karyera mərkəzi, universitetin üstünlükləri və bu instituta qəbul qaydaları ilə şagirdləri yaxından tanış etdi. Sonda universitet nümayəndəsi şagirdlərin suallarını cavablandırdı. Şagirdlər ekskursiyadan gözəl təəssüratlarla qayıtdılar.
