Kiçik Akademiyanın növbəti məktəblərarası seminarı keçirildi
Bu gün Nərimanov rayon 291 saylı məktəb-liseydə “Kiçik Akademiya”nın növbəti məktəblərarası seminarı keçirildi. Seminarın mövzusu “20-ci əsr Azərbaycan tarixi” idi. 2 gün davam edən seminarda 16 məktəbin şagirdləri iştirak etsə də, sona 5 məktəb qaldı. Onların arasinda bizim məktəb də var. Məktəbimizi seminarda 11 ”B” sinif şagirdi Vəlizadə İsa təmsil edirdi. Şagirdimiz “Qarabag düyünü” adlı mövzu seçmişdi. O, seçdiyi mövzu haqqında ətraflı məlumatlar verdi, prezentasiyalar nümayiş etdirdi. Münsiflər heyəti və şagirdlər tərəfindən verilən müxtəlif sualları cavablandırdı. Seminarın mükafatlandırma mərhələsi 11 yanvarda 34 nömrəli məktəbdə davam edəcək. Şagirdimizə uğurlar arzu edirik!