Heydər Əliyev irsinin dərindən öyrənilməsi məqsədi ilə seminar keçirildi
Hər il olduğu kimi bu il də ulu öndər Heydər Əliyev irsinin dərindən öyrənilməsi məqsədi ilə ümumtəhsil məktəblərinin 11-ci sinif şagirdləri üçün xüsusi seminar- mühazirələr təşkil edilir. Dünən Nərimanov rayon 258 saylı orta məktəbin 11-ci sinif şagirdləri üçün 258 saylı məktəbdə növbəti seminar təşkil edilmişdi. Mühazirəçi 39 nömrəli tam orta məktəbin direktoru Tahirə Şükürova idi. Mühazirənin mövzusu “Ulu öndər Heydər Əliyevin Azərbaycanda ikinci dəfə siyasi hakimiyyətə qayıdışı” idi. Tahirə Şükürova ümummilli liderin keçdiyi həyat yolu haqqında geniş məlumat verdi. O, Heydər Əliyevin hakimiyyətə qayıtdıqdan sonra öz xalqı üçün,doğma vətəni yolundakı misilsiz xidmətləri haqqında ətraflı danışdı. Tədbir ümummilli lider H.Əliyevə həsr olunmuş şagirdlərin hazırladığı videoçarxın nümayişi ilə bitdi.