Qəhrəmanlar unudulmur
Məktəbimizdə Vətən uğrunda canını qurban vermiş şəhidlərin xatirəsi həmişə əziz tutulur. Bu günlərdə 7 "A" sinfinin adını daşıdığı şəhid Şəhriyar Qasımovun xatirəsi anıldı, ailə üzvləri ilə görüş təşkil edildi. Tədbirdə onun keçdiyi döyüş yolundan, qəhrəmanlığından söhbət aparıldı. Vətən müharibəsində canını qurban vermiş şəhidlərimiz haqqında yazılmış bədii ədəbiyyat nümunələrindən şeirlər söylənildi. Tədbirdə şəhidin anası Səmayə ana çıxış edərək öz dərdini şagirdlərlə bölüşdü. Şəhidlər haqqında kitablar yazmış şairə Esmira Günəş öz şeirlərindən şagirdlərə səsləndirdi.
