VII sinifdə nümunə dərs
Məktəbin Azərbaycan dili və ədəbiyyat müəllimi Təranə Məmmədova 7 A sinfində H.Ziyanın "Kərgədan və Qarışqa" əsərini açıq dərsdə müzakirə etdi. Əvvəlcə səssiz oxu təşkil olundu, daha sonra əsərin məzmunu üzərində iş aparıldı. Yaxşı mənimsəmə üçün rollu oyundan istifadə olundu. Tədqiqat sualı belə oldu: Tənbəlləri niyə qınayırlar? Şagirdlər bu suala müstəqil şəkildə fikir bildirdilər. Ümumiləşdirmə zamanı bir daha vurğulandı ki, gərək tənbəl olmayasan, əməyi, zəhməti sevəsən. Əmək insan üçün ən gözəl məşğuliyyətdir. O həm də, insan üçün çox faydalıdır.
