"Odlar yurdum- Azərbaycan" adlı tədbir keçirildi
"Bahar çələngi" layihəsinin icrası ilə bağlı tədbirlər planına uyğun olaraq məktəbdə silsilə tədbirlər davam edir. Martın 15-də 3 "B" sinif şagirdləri sinif rəhbəri İlhamə Hüseynova ilə birlikdə "Odlar yurdum- Azərbaycan" adlı tədbir təşkil etdilər. Tədbirdə milli-mənəvi dəyərlərimizin göstəricisi olan Novruz adət-ənənələrindən söhbət açıldı. Şagirdlərin ifasında milli folklor nümunələri olan haxışda, bayatılar, laylalar söylənildi, rəqslər nümayiş etdirildi. Bu cür tədbirlərin təşkil olunması milli adət - ənənələrin daha dərindən öyrənilməsinə və şagirdlərin aktyorluq bacarığının və səhnə mədəniyyətinin üzə çıxmasına xidmət edir. Eyni zamanda bu cür tədbirlər şagirdlərə milli-mənəvi dəyərlərimizin aşılanmasına xidmət edir.
