"Əziz müəllimim" adlı tədbir keçirildi
Oktyabrın 3-də məktəbin 4 "C"sinfində 5 oktyabr- Müəllimlər Günü münasibətilə "Əziz müəllimim" adlı tədbir keçirildi. Tədbirdə məktəbin direktoru Günay Rüstəmova, o cümlədən məktəbin ibtidai sinif müəllimləri iştirak ediblər.
Tədbir Azərbaycan Respublikasının Dövlət himninin səsləndirilməsi ilə başlayıb. 4"C" sinifinin sinif rəhbəri Həsənli Tərlan tərəfindən təşkil olunan tədbir şagirdlərin ifasında şeir və mahnıların səsləndirilməsi, o cümlədən səhnəciklərin nümayişi ilə davam edib. Tədbirin sonunda məktəbin direktoru G.Rüstəmova ilk öncə bu gün münasibətilə müəllimləri təbrik etmiş, eləcə də şagirdlərə, onların şəxsiyyət kimi yetişdirilməsində, düzgün sənət və peşə seçimində böyük rola malik olan, hər bir şagirdinə diqqət, sevgi və qayğı ilə yanaşan müəllimlərinə qarşı daima hörmət bəsləmələrini məsləhət verdi.
