323 №-li tam orta məktəb

Məktəbin direktor əvəzi Səidə Ağamalıyevanın rəhbərliyi  altında bir qrup müəllim   məktəbimizin  65 yaşı başa çatmış,  öz pedaqoji fəaliyyətlərində böyük iz qoymuş, təcrübəli ibtidai sinif müəllimlərindən İsmayılova Tərlan, Mahmudova Arifə müəllimləri 5 oktyabr-Beynəlxalq Müəllimlər Günü münasibətilə  təbrik edib.

İ.Tərlan və M.Arifə müəllimləri də öz növbəsində göstərilən diqqət və qayğıya görə  məktəb rəhbərliyinə, müəllimlərə öz təşəkkürünü bildirmişlər.

Oktyabrın 3-də məktəbin 7"A" sinif şagirdləri məktəbin  kitabxana müdiri Vüsalə İsmayılova, qeyd olunan sinfin sinif rəhbəri Esmira İbrahimovanın rəhbərliyi ilə  Bakı Ekspo Mərkəzində dahi Azərbaycan şairi Məhəmməd Füzulinin 530 illik yubileyinə həsr olunan 10-cu  Beynəlxalq Kitab Sərgisində iştirak ediblər.
  Kitab sərgisi iştirakçıların böyük marağına səbəb olmuşdur.

03.10.2024-cü il tarixində məktəbin psixoloqu Məlahət Qasımlı Fəaliyyət planına əsasən 1"A" sinfində "Kern-Yerasek"  metodikasının tətbiqi testi keçirildi.  Şagirdlərin yerinə yetirdikləri tapşırıqlarda öz düşüncələrinə uyğun olaraq insan şəklinin çəkilməsi, nöqtələrin və cümlənin düzgün köçürülməsi bacarıqları yoxlanıldı.
   Testin keçirilməsində əsas məqsəd şagirdlərin intellektual bilik səviyyəsini yoxlayaraq təlimdə geri qalan uşaqların sayını müəyyənləşdirmək və onlarla qrup və ya fərdi şəkildə psixokorreksiya işlərini apararaq bilik səviyyəsini yüksəltməkdən 
o cümlədən, şagirdlərdə  sensomotor qabiliyyətlərin qiymətləndirilməsi,  oxşada bilmə bacarığının qiymətləndirilməsi və incə motorikanın və ixtiyari diqqətin müəyyənləşdirilməsindən ibarətdir.

1 oktyabr-Beynəlxalq Musiqi Günü qeyd olundu.

Məktəbin musiqi müəllimi Nigar Tağıyeva təsviri incəsənət müəllimi Aynur Mirzəliyeva ilə birgə məşğələ keçiblər.

Məşğələdə məktəbin  7-ci və 8-ci sinif şagirdləri  fəal iştirak edib.

 Mövzu ilə bağlı Nigar müəllim ətraflı məlumat verdikdən sonra şagirdlər musiqi sədaları altında sulu boyadan istifadə edərək boyama işləri aparıblar.

   2 oktyabr  2024-cü il tarixində məktəbin 8"B" sinif şagirdlərinin valideynləri ilə görüş keçirilib.

Valideynlərlə görüş zamanı məktəbin psixoloqu Məlahət Qasımlı tərəfindən  "Reproduktiv sağlamlığa" dair üzrə metodik vəsaitdə verilmiş mövzular haqqında məlumat verilmiş, onlarla əks -əlaqə zamanı valideynlərin fikirləri dinlənilmiş, müəyyən təkliflərin qeydləri aparıldı.