Azərbaycan dili və ədəbiyyat fənləri üzrə "Bilik yarışı" keçirildi
Mayın 17-də məktəbin VI sinifləri arasında Azərbaycan dili və ədəbiyyat fənləri üzrə "Bilik yarışı" keçirildi. VI siniflərdə bu fənləri tədris edən Almara Həsənova tərəfindən təşkil olunan yarış 3 mərhələdə keçirildi.
Tədbirdə məktəbin direktoru Günay Rüstəmova, təlim-tərbiyə işləri üzrə direktor müavini Esmira İsfəndiyarova, kitabxana müdiri Vüsalə İsmayılova, məktəbin psixoloqu Məlahət Qasımlı, 6c sinfinin sinif rəhbəri Ramil Orucov iştirak edirdilər.
Qeyd edək ki, münsiflər heyəti komandaları verilən sualları düzgün cavablandırmaqla yanaşı, komandalarda şagirdlərin şeir ifalarına və nümayiş etdikləri rollu oyunlarına görə də qiymətləndiriblər.
"Bilik yarışı"nda 6a sinfinin komandası birinci yerə layiq görüldü.
