İlyas Əfəndiyevin həyat və yaradıcılığına həsr olunan tədbir keçirildi
15 may 2019-cu il tarixində məktəbin 7 b sinfində XX əsr Azərbaycan ədəbiyyatının inkişafında müstəsna xidmətlər göstərən görkəmli nasir, dramaturq, xalq yazıçısı İlyas Əfəndiyevin həyat və yaradıcılığı ilə bağlı tədbir keçirildi. Məktəbin Azərbaycan dili müəllimi, eyni zamanda da 7b sinfinin sinif rəhbəri Almara Həsənova tərəfindən təşkil olunan tədbirdə təlim-tərbiyə işləri üzrə direktor müavini Esmira İsfəndiyarova, məktəbin psixoloqu Məlahət Qasımlı iştirak ediblər. İlk öncə A.Həsənova İlyas Əfəndiyevin həyat və yaradıcılığı haqqında məlumat vermişdir. Daha sonra şagirdlər yazıçının "Şəhərdən gələn ovçu" hekayəsini səhnələşdiriblər. Səhnəciyin nümayişindən sonra şagirdlər arasında hekayə ilə bağlı fikir mübadiləsi və müzakirəsi aparılmışdır. Sonda 7b sinif şagirdi Qəmbərli Şəmsin ifasında görkəmli ədibin "Ceyran" şeiri səsləndi.
