Lütfi Zadə adına Məktəblilərarası IV Məntiq Olimpiadasının məktəbdaxili mərhələsi keçirildi
4 may 2019-ci il tarixində Bakı Şəhəri üzrə Təhsil İdarəsi təşkilatçılığı ilə Lütfi Zadə adına Məktəblilərarası IV Məntiq Olimpiadasının məktəbdaxili mərhələsi keçirildi.
323 nömrəli tam orta məktəbdə də keçirilən olimpiadada məktəbin V-VI sinif şagirdləri iştirak edib. Nəzarətçi müəllimlərin iştirakı ilə imtahan təlimata uyğun olaraq səhər saat 09:00-da başlayıb,1 saat yarım (90 dəqiqə) müddətində davam edib. Şagirdlər qeyd olunan vaxt ərzində bədii, mücərrəd və verbal məntiqi təfəkkür növlərinə aid 25 test sualını cavablandırıblar.
Sonda məktəb rəhbərliyinin xüsusi nəzarəti altında şagirdlərin sual kitabçaları toplanılmışdır.
Qeyd edək ki, ilk turda uğur qazanan şagirdlərimiz olimpiadanın final mərhələsinə vəsiqə qazana biləcəklər.
