Fəxri fərman və diplomlar təqdim olundu
3 may 2019-cu il tarixində 323 nömrəli tam orta məktəbin "Tədbirlər planı"na əsasən, aprel ayı ərzində keçirilən həm məktəbdaxili, həm də məktəbdənkənar tədbirlərdə fəal iştirak edən şagirdlərin təltif olunması münasibətilə tədbir keçirildi.
Məlumat üçün bildirək ki, aprel ayında məktəbin V-VIII sinifləri arasında keçirilən "Bilik yarışları"nda birinci yerə layiq görülən siniflərin şagirdləri məktəbin direktoru Günay Rüstəmova tərəfindən fəxri fərmanla təltif olundu.
Tədbirdə eyni zamanda, ümummilli lider Heydər Əliyevin anadan olmasının 96-cı ildönümü münasibətilə məktəbin V-VI və VII-XI sinifləri arasında keçirilən "Mini futbol" çempionatının nəticələrinə görə I, II, III yerə layiq görülən, həmçinin çempionatda oyun qaydalarını nümunəvi olaraq nümayiş etdirən fəal şagirdlər diplomlarla təltif olundu.
Onu da qeyd edək ki, tədbirdə 15 aprel 2019-cu il tarixində aprel şəhidlərinə həsr olunan "Yarımçıq qalmış" adlı tamaşasını nümayiş etdirən məktəbin istedadlı şagirdləri də fəxri fərmanlarla təltif olundu.
