Siniflərarası "Mini futbol" çempionatının açılışı keçirildi
24 aprel 2019-cu il tarixində Azərbaycanın ümummilli lideri Heydər Əliyevin anadan olmasının 96-cı ildönümü münasibətilə 323 nömrəli tam orta məktəbin V-XI siniflər arasında "Mini futbol" çempionatının açılışı keçirildi.
Məktəbin fiziki tərbiyə müəllimi Cəfər Ələsgərov tərəfindən təşkil olunmuş tədbir Azərbaycan Respublikasının Dövlət himninin səslənməsi ilə başladı. Daha sonra Azərbaycanın ərazi bütövlüyü uğurunda canından keçən şəhidlərin ruhu bir dəqiqəlik sükutla yad edildi.
Tədbirdə münsiflər heyəti olaraq məktəbin direktoru Günay Rüstəmova, təlim-tərbiyə işləri üzrə direktor müavini İsfəndiyarova Esmira, məktəbin psixoloqu Məlahət Qasımlı, riyaziyyat müəllimi Eynulla İsfəndiyarov, tarix müəllimi Hikmət Qasımov iştirak edirdilər.
Daha sonra yuxarı siniflərdən başlayaraq növbə ilə hər bir sinfi təmsil edən komanda hərbi marşın sədaları altında təntənəli hərbi yürüşü yerinə yetirdilər.
Siniflərarası "Mini futbol" çempionatının açılışı zamanı "Təntənəli marş"ı yerinə yetirərkən fərqlənən şagirdlər münsiflər heyətinin qərarına əsasən, məktəbin direktoru G.Rüstəmova tərəfindən təbrik edilərək diplomlarla təltif olundular. Məktəbin təlim-tərbiyə işləri üzrə direktor müavini E.İsfəndiyarova, çıxışı zamanı tədbirdə fərqlənən siniflərin adlarını qeyd edərək bütün iştirakçıları təbrik etdi, eyni zamanda da tədbirin təşkilatçısı C.Ələsgərova təşəkkürünü bildirdi.
Tədbirin sonunda C.Ələsgərov komandaları "Mini futbol" çempionatının qaydaları ilə tanış etdi və onlara yarışlarda uğurlar arzuladı.
