Təbiət fənləri üzrə növbəti "Bilik yarışı" keçirildi
19 aprel 2019-cu il tarixində məktəbin VII sinifləri arasında biologiya, fizika və kimya fənləri üzrə "Bilik yarışı" keçirildi.
Məktəbin "Tədbirlər planı"na əsasən keçirilən yarışda münsiflər heyəti olaraq məktəbin direktoru Günay Rüstəmova, təlim- tərbiyə işləri üzrə direktor müavini Esmira İsfəndiyarova, məktəbin psixoloqu Məlahət Qasımlı, kimya müəllimi İbrahim Hüseynov, fizika müəllimi Almaz Hacıyeva, biologiya müəllimi Esmira İbrahimova iştirak etdilər.
3 mərhələdən ibarət olan yarışda qalib komanda 7b sinfi oldu.
Tədbirin sonunda məktəbin direktoru G.Rüstəmova, təlim-tərbiyə işləri üzrə direktor müavini E.İsfəndiyarova, fənn müəllimləri yarışın qaliblərini təbrik edərək, onlara dərslərində uğurlar arzu etdilər, eyni zamanda da digər sinifləri təmsil edən komanda üzvlərinə müəyyən tövsiyələr verdilər.
