Ulu öndər Heydər Əliyev irsinə dair növbəti dərs keçirildi
16 aprel 2019-cu il tarixində Bakı şəhəri 124 nömrəli tam orta məktəbin akt zalında ümummilli lider Heydər Əliyev irsinin öyrənilməsinə dair növbəti dərs keçirildi.
Xəzər rayon Ağsaqqallar Şurasının sədri, tarixçi-etnoqraf Təvəkkül Səlimov tərəfindən keçirilən dərsdə əsasən, onun ulu öndər Heydər Əliyevlə bağlı xatirələri səsləndi. Həmçinin, T.Səlimov həm ümummilli lider Heydər Əliyevin həyat fəaliyyətinə aid yazdığı "Ömrün otuz ili" adlı, həm də ulu öndərin layiqli davamçısı Azərbaycan Respublikasının prezidenti İlham Əliyev və Azərbaycan Respublikasının Birinci vitse-prezidenti Mehriban Əliyeva haqqında yazdığı "Möhtəşəm 15 il" kitablarından bəhs etdi.
Qeyd edək ki, dərsdə Xəzər rayonu Şağan qəsəbəsi 124 nömrəli tam orta məktəbin direktoru Sevda Abdullayeva, 323 nömrəli tam orta məktəbin direktoru Günay Rüstəmova, eyni zamanda hər iki məktəbin yuxarı sinif şagirdləri və onların sinif rəhbərləri də iştirak edirdi.
