"Yarımçıq qalmış" tamaşası nümayiş olundu
15 aprel 2019-cu il tarixində Mərdəkan Mədəniyyət Sarayında 323 nömrəli tam orta məktəbin VII və IX sinif şagirdləri tərəfindən Aprel şəhidlərinin əbədi və əziz xatirəsinə həsr olunan "Yarımçıq qalmış" adlı tamaşa nümayiş olundu.
Məlumat üçün bildirək ki, bu tamaşa ssenari müəllifləri Leyli Bəyim Cəfərova və Efim Abramovun qələmə aldıqları "Xəyalpərəst oğlanlar" pyesindən götürülərək Azərbaycanın görkəmli rejissoru, eyni zamanda da Azərbaycanın xalq artisti Vaqif Əsədov tərəfindən səhnələşdirilib.
Tədbirdə məktəbin direktoru Günay Rüstəmovanın xüsusi dəvəti ilə Xəzər rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Ofeliya Məmmədzadə, Xəzər rayonu Şağan qəsəbəsi 124 nömrəli tam orta məktəbin direktoru Sevda Abdullayeva, 234 nömrəli tam orta məktəbin direktoru Könül Məmmədli, Sabunçu rayonu 155 nömrəli tam orta məktəbin direktoru Ruhiyyə İbrahimova və məktəbimizin müəllim, şagird və valideynləri iştirak ediblər.
Tədbirin ərsəyə gəlməsində təşəbbüskarlıq göstərən məktəbin direktoru Günay Rüstəmovaya, təlim- tərbiyə işləri üzrə direktor müavini Esmira İsfəndiyarovaya və ibtidai sinif müəllimi Savad Hacıyevaya, Azərbaycanın xalq artisti, rejissor Vaqif Əsədova, təşkilati dəstəyə görə Xəzər rayon İcra Hakimiyyətinə və Mərdəkan Mədəniyyət Sarayının rəhbərliyinə və şagirdlərimizə xüsusi təşəkkürümüzü bildiririk.
