Cəfər Cabbarlının 120 illiyi qeyd olundu
29 mart 2019-cu il tarixində məktəbimizdə Azərbaycanın görkəmli şairi, yazıçı və dramaturqu Cəfər Cabbarlının anadan olmasının 120 illiyi münasibətilə tədbir keçirildi.
Tədbir məktəbin Azərbaycan dili və ədəbiyyat müəllimi Almara Həsənova tərəfindən təşkil olunmuşdur.
Tədbirdə məktəbin direktoru Günay Rüstəmova, təlim-tərbiyə işləri üzrə direktor müavini Esmira İsfəndiyarova, kitabxana müdiri Vüsalə İsmayılova, Azərbaycan dili müəllimi Vahid Əsgərov, ibtidai sinif müəllimi Arifə Mahmudova və məktəbin VII-IX sinif şagirdləri iştirak ediblər.
Tədbir Azərbaycan Respublikasının Dövlət himninin səslənməsi ilə başadı.
Daha sonra çıxış üçün söz məktəbin direktoru G.Rüstəmovaya verildi. G.Rüstəmova çıxış edərək, görkəmli yazıçının yaradıcılığı, Cəfər Cabbarlının ədəbiyyatımıza, mədəniyyətimizə verdiyi töhfələrindən danışdı.
Daha sonra böyük dramaturqun həyat və fəaliyyətinə həsr olunmuş video-çarx nümayiş olundu.
Tədbirdə iştirak edən şagirdlər tərəfindən Cəfər Cabbarlının bir çox şeirləri, "Oktay Eloğlu" pyesindən Oktayın monoloqu, "Vəfalı Səriyyə" pyesindən Səriyyənin monoloqu səsləndi, o cümlədən "Od gəlini" pyesindən Aqşin və Elxanın surətinin bir səhnəsi, Almaz pyesində Almaz və Mirzə Səməndər surətinin səhnəsi nümayiş olundu.
