"Novruz ənənələri" adlı tədbir keçirildi
18 mart 2019-cu il tarixində 323 nömrəli tam orta məktəbdə Novruz bayramı münasibətilə "Novruz ənənələri" adlı tədbir keçirildi. Tədbirdə məktəb rəhbərliyi, müəllimlər, şagirdlər və valideynlər iştirak edirdi.
Tədbir Azərbaycan Respublikası Dövlət himninin səslənməsi ilə başladı.
Daha sonra çıxış üçün söz məktəbin direktoru Günay Rüstəmovaya verildi. G.Rüstəmova çıxışı zamanı ulu babalarımızın zəngin mənəvi aləmini dolğun təcəssüm etdirən, eləcə də qədim təsəvvürləri qoruyub saxlayan Novruz bayramı münasibətilə hər kəsi səmimi qəlbdən təbrik etmiş, o cümlədən hər kəsin ailəsinə ruzi-bərəkət, bol sevinc, xoş əhval-ruhiyyə arzu etmişdir.
Daha sonra bayram tədbiri şagirdlərin ifasında şeir və mahnıların səslənməsi, həmçinin müxtəlif rəqs kompozisiyalarının nümayişi ilə davam etdi.
