8 Mart -Beynəlxalq Qadınlar Günü qeyd olundu
07 mart 2019-cu il tarixində 8 mart Beynəlxalq Qadınlar bayramı münasibətilə Xəzər rayon 323 nömrəli tam orta məktəbdə Həmkarlar İttifaqı təşkilatı tərəfindən bayram tədbiri keçirildi. Tədbirdə məktəbin bütün qadın işçiləri iştirak etdi. Bayram tədbirini məktəb Həmkarlar İttifaqı Təşkilatının Sədri Cəfər Ələsgərov açaraq qadınları 8 Mart Beynəlxalq qadınlar bayramı münasibəti ilə təbrik etdi.
Ana dünyada ən müqəddəs varlıqdır. Ona görə də biz ana vətən, ana torpaq deyirik. Müstəqilliyimizin ilk illərində Qarabağ döyüşlərinin ən ön səngərlərində qəhrəmanlıqla vuruşan qadınlarımızla fəxr etmiyə bilmərik, deyə öz çıxışında bildirdi.
Sonda məktəb Həmkarlar İttifaqı Təşkilatının Sədri Cəfər Ələsgərov qadınları 8 Mart Beynəlxalq Qadınlar günü münasibəti ilə təbrik edərək, onlara gələcək fəaliyyətlərində uğurlar arzuladı. Tədbirdə iştirak edən qadınlara məktəb Həmkarlar İttifaqı təşkilatının hədiyyələri təqdim olundu.
